【期匯決算】英鎊未升完 有力上試1.379

【Now財經台】英鎊喺美元偏軟下，一度重上1.37水平，呢個都係過去嘅主要阻力，英鎊有冇條件繼續向上？

1uptick Analytics首席分析師杜浩霆指，依家英國有內憂外患，當地政局不穩會對英鎊構成壓力，尤其年中英國會舉行大選，而格陵蘭事件亦令英美關係變得緊張。

不過，Perry認為英鎊有機會再上，依家差唔多上返去年9月嘅高位，下一個大位應該係去年中嘅1.379水平，估計短期仲會升多浸，相信唔會咁快因英國政局動盪而沽返落嚟。