【中國建設銀行(亞洲) 呈獻:息賺】買美債收息揀呢個年期較穩陣

【Now財經台】美國總統特朗普(Donald Trump)喺格陵蘭島爭奪戰，又突然TACO，導致美國股匯債「三殺」，反映市場對「沽售美國」(Sell America)嘅憂慮仍未消退。雖然美股之後回穩，但長債息仍然高企，長債息上升趨勢係咪會持續一段長時間？

獨立市場策略師何啟聰表示，只要美國政府一日未有具體方案解決高達38萬億美元嘅國債問題，長債息有機會喺一段較長嘅時間內持續高企，加上特朗普喺第2個任期內實施多項影響地緣政治局勢嘅政策，市場普遍擔心隨時會擦槍走火，若有國家開始為避險而減少投資美元資產，率先被抛售一定係長債，主要係不確定性較大。

Ivan建議，若投資者想買債券基金或美債交易所買賣基金(ETF)，須留意相關基金持有嘅債券平均年期有幾長。佢認為，20年以上嘅國債有一定風險，投資者除咗收益率，亦需要考慮流動性問題，如果純粹收息，建議選擇短中期，即5年或以內嘅美債較穩陣。