【中國建設銀行(亞洲) 呈獻:息賺】特朗普要壓低利率揀咩板塊炒？

【Now財經台】美國聯儲局主席鮑威爾(Jerome Powell)確認收到美國司法部傳票，佢認為，事件源於自己冇跟隨美國總統特朗普(Donald Trump)對利率嘅睇法。此外，特朗普為壓低利率，要求信用卡公司下調逾期還款利率上限。呢啲事件會對近年強勢嘅金融股有咩影響？

獨立市場策略師何啟聰認為，如果特朗普主力壓低利率，會令按息降至低水平，吸引更多人買樓，短期會利好房地產建築商股價及相關板塊。長遠而言，市場要留意買債對整體利率影響有幾大，以及特朗普未來會唔會再出新招，先可以再評估房地產建築商股價走勢。

Ivan又提醒，即使特朗普控制唔到聯儲局利率，都有機會直接要求銀行減息，到時或會令息差受壓，因此，投資者亦要留意銀行業需承受嘅負面影響。