【全民打新】兆易創新首掛料「唔會升得太靚」

【Now財經台】多元晶片集成電路設計公司兆易創新(03986)，下周二(13日)就會掛牌，係內地專用型存儲晶片企業，產品包括NAND FLASH、利基型DRAM及MCU等。由於人工智能(AI)不斷發展，導致記憶體供不應求，價格持續上升。不過，睇返兆易創新嘅招股書，提及公司為咗搶市佔率而降低晶片價格，價格有冇機會加價？集團孖展認購額近2000億元，超購逾400倍，點預測首日掛牌表現？

紅蟻資本投資總監李澤銘指，晶片供不應求嘅情況，只限於AI應用領域，反而下游需求疲弱，甚至供過於求，因此，預期兆易創新嘅晶片短期都好難加價。

Alan又指，兆易創新本身已喺A股上市，如果喺香港上市首日，兆易創新A股造好，將會利好H股表現，但佢估計，股份首掛當日最多炒高10%，表現唔會特別亮麗。