【專家分析】餐飲股唔係炒補貼憧憬

【Now財經台】中央經濟工作會議提出明年8大重點任務，其中，谷內需成為首要任務，提及要優化「兩新」政策實施，即設備更新及「以舊換新」，有分析估計，補貼範圍有機會擴大，餐飲股今日(12日)炒上，係咪憧憬餐飲業會獲得補貼？

高歌證券金融首席分析師聶振邦認為，提供餐飲補貼機會唔大，汽車、電子產品及家電屬於耐用品，所以可以靠「以舊換新」作為誘因推動消費，但餐飲消費屬於日常消費，就算派消費券，對再進一步谷消費誘因都唔大。

聶Sir又話，內地明年經濟增長目標維持約5%，令市場對明年消費行情有信心，所以睇好餐飲股，其實呢類股份都唔係呢一兩日炒起，過去一個星期都持續向上，今次只係借消息再炒多浸。