【環球金融快線】Oracle冧價有冇跌過龍？

【Now財經台】甲骨文(Oracle)股價昨晚(11日)一度急瀉逾12%，「死因」係上季雲收入差過預期，加上人工智能(AI)基建狂燒錢兼資本開支飆2倍，收市仍跌逾10%，係咪跌得太過誇張？

獨立分析師黃耀宗指，長線而言，Oracle跌逾10%係誇張，可能係供應鏈出現問題，令供應追唔上交付量，導致毛利率及交付量差過預期，但佢相信Oracle可以捱過呢個困難時期。

Andy又話，短線而言，Oracle現金流緊張，資本開支激增，令市場擔心公司回本能力，加上公司發咗唔少債，市場亦擔心債務評級會被下調，繼而令借貸成本增加，因此，股價跌10%可理解。