【專家分析】Oracle再引爆AI泡沫恐慌？

【Now財經台】甲骨文(Oracle)上季雲業務表現唔好，加上人工智能(AI)基建狂燒錢，同埋資本開支激增2倍，拖累股價昨晚(11日)收市瀉逾10%，更火燒連環船拖低埋其他科企股價，就連展望好好嘅博通(Broadcom)盤後都要挫近5%，呢個影響會唔會持續？

信誠證券及期貨投資服務部董事蕭猷華指，市場主要擔心Oracle生意愈做愈大，投入喺AI基建嘅資源大增，令現金流會更緊張，導致短期債務可能會增加，加上集團本身嘅債務CDS上升，市場憂慮唔知幾時先可以回本。

不過，Tony認為，Oracle所造成嘅影響只係短暫，因為市場會逐步消化數據及營運資訊，暫時睇嚟唔會對其他晶片企業，以至AI行業造成影響。