【期匯決算】Bitcoin可趁低分注吸納

【Now財經台】美國商品期貨交易委員會(CFTC)日前宣布容許比特幣(Bitcoin)、以太幣(Ethereum)，以及跟美元掛鈎嘅穩定幣(Stablecoin)作為衍生產品嘅抵押品，消息刺激Bitcoin價格連升4日，一度重上94000美元水平。不過，渣打將Bitcoin明年底前升至30萬美元水平嘅預測，大幅下調至15萬美元水平，反映對前景睇法更審慎，投資者應該點部署Bitcoin？

信誠證券及期貨投資服務部董事蕭猷華指，Bitcoin價格自高位回調幅度已經好足夠，若進一步回落至9萬美元以下，可以考慮分注買入博反彈，因為Bitcoin價格中長線仍睇升，又話今輪調整唔代表呢一波升勢已經結束，估計Bitcoin價格喺現水平再跌空間有限，可以考慮趁低吸納。