【環球金融快線】Tesla有貨冇貨都按兵不動

【Now財經台】摩根士丹利最新將Tesla目標價由410美元上調至425美元，但將評級由「買入」降至「中性」，係2023年以嚟首次，Tesla股價周一(8日)一度重挫4%，似乎市場對大摩呢個調整動作好敏感，投資者應該點部署？

易方資本投資總監王華指，投資者要明白港股、美股嘅特性係有分別，港股走勢往往比較被動，因為容易受唔同因素影響，反觀美股，一啲優質股或估值平嘅股份，如果大行叫沽，反而有機會係一個買入好時機。

Fred又話，其實大摩長期以嚟都叫投資者買Tesla，某程度上係陪伴呢隻股票成長，今次突然降級，估計影響會持續一段長時間，佢認為，依家嘅策略應該係按兵不動，因現階段好難評估Tesla股價未來會點行。