【期匯決算】澳元暫於0.66水平上落

【Now財經台】澳洲儲備銀行議息後，維持利率不變，行長布洛克(Michele Bullock)會後發表偏「鷹」嘅言論，指當地通脹風險偏向上行，短期睇唔到減息嘅可能，係咪代表澳洲減息周期已經完結？

1uptick Analytics首席分析師杜浩霆認為，行長嘅言論唔止代表減息周期完結，亦暗示有機會加息，澳元暫時喺0.66水平上落，議息聲明最主要都係擔心通脹，因為當地物價較預期高，令通脹持續高企，預期情況會持續一段更長時間。佢續指，市場預期明年加息機會顯著增加，投資者都要小心。