【環球金融快線】爭奪戰未完華納兄弟股價繼續升

【Now財經台】Netflix擬斥資720億美元，收購華納兄弟探索(Warner Bros Discovery)影視製作部門及川流業務，但派拉蒙天舞(Paramount Skydance)昨日(8日)突然殺出擬「敵意收購」(Hostile Bid)WBD，涵蓋全部業務，出價高過Netflix，涉及逾1000億美元。自呢場爭奪戰傳出至今，WBD股價已累升逾1倍，有貨冇貨嘅投資者應該點操作？

iFast Global Markets副總裁溫鋼城指，Netflix收購WDB嘅關鍵在於過唔過到反壟斷法呢關，始終媒體影響力深遠，市場及美國政府都非常關注呢單收購。

佢又指，Netflix發展面臨樽頸，加上對固定網絡嘅需求，所以選擇WDB做合作伙伴。雖然Netflix作價合理，但依家WDB因IP老化等問題導致盈利倒退，佢認為，呢單Deal係買家較蝕底，所以Netflix股價嚟緊未必會升，甚至下跌，相反，WDB有機會繼續升，更唔排除再有潛在買家加入戰團。