【期匯決算】大豆價格未跌完？

【Now財經台】市傳中國放慢向美國購買大豆嘅步伐，大豆價格跌至10月以來低位。此外，美國農業部預期，農民明年將增加大豆種植，並減少栗米及大麥種植，若中國唔加快購買大豆步伐，豆價係咪仍有下跌空間？

ATFX亞太區首席分析師林銘添指，中美談判以大豆為重點，但由於中國向美國採購大豆嘅速度慢，好難令價格飆升，近期大豆價格嘅回落亦反映咗呢個因素，若農民基於中美貿易談判條款增加種植大豆，令供應太多，將進一步推低大豆價格。

Martin又話，大豆價格暫時要留意每蒲式耳1000美仙及960美仙呢兩個關鍵位，一旦跌穿960美仙，好大機會進一步向下。