【息賺】2026年可吼短債、造定存

【Now財經台】市場幾乎肯定美國聯儲局今個星期會減息，一般嚟講，減息會令債息回落，但債券異常地不跌反升，點睇呢個現象？此外，市傳美國總統特朗普(Donald Trump)會將之前發布加快人工智能(AI)發展嘅計劃，明年會延伸至機械人領域，對AI相關企業發債又有咩啟示？

獨立市場策略師何啟聰指，今年長息及短息走向好唔同，短息跟隨政策波動，美國減息但長息不跌反升現象，反映市場關注長遠環球央行財政紀律問題，估計明年底債市會變得更加謹慎，依家市場已開始質疑美國可唔可以靠AI應用去減債，自由現金流較少嘅科企債價已經下跌，若明年仍未見成效，可能對債市更不利。

Ivan又話，散戶投資者不妨集中部署短債，始終債息短期走勢較清晰，息率介乎約2厘至3厘、6個月以上嘅定存計劃亦值得考慮，不過，更長遠部署就仍要謹慎。