【期匯決算】Yen再拆倉要兩「條件」配合

【Now財經台】日本央行將會喺兩周後議息，即12月19日，交易員及市場突然押注日央行或於短期內加息，如果真係加息，日圓會唔會再爆發大規模拆倉潮？

獨立外匯商品分析師盧楚仁指，暫時未見有大規模拆倉跡象，依家市場觀望情緒仍較濃厚，一方面假期前夕有部分交易員放假，另一方面美國聯儲局今年減咗兩次息，未來要留意日美央行議息後嘅動向及言論，若聯儲局下周議息後暗示未來會再減息，而日央行亦暗示進一步加息，呢個行情先有機會引爆拆倉潮。