【期匯決算】美匯指數短期續橫行

【Now財經台】美國昨晚(3日)出咗俗稱「小非農」嘅ADP就業數報告，除咗IT工種減少，連建築業職位都減少9000個，反映美國唔少行業收縮緊，美匯指數回穩，一度觸及99水平，如果聯儲局下星期減息，會唔會引爆美元新一輪跌浪？

獨立外匯商品分析師譚家康指，今次ADP數字再配合聯儲局官員嘅口風，下星期減息幾乎成定局，又指唔使對美元睇得太悲觀，美元受息口因素影響而大幅下跌嘅機會唔大，技術走勢方面，佢認為唔太可能出現小雙頂，佢估計，美匯指數短線會喺98至100水平橫行。