【輪證贏家】STC剛好超買到著

【now.com財經】噚日揀咗隻恒指好倉出嚟，本身諗住借小時圖50線企得住先至出動，順便睇吓有無得借到Slow STC(14.3)抽返上去。不過都真係可以慳返，因為出文後再如常用10分鐘去睇文嘅話，就已經見到指數失守小時圖50線。

換用五分鐘圖做Swing Trade都無，因為10線有見阻力後，指數重新向下再落。果然，港股26,000點一失就無都乜。

今朝起身見到隔晚美股做得咁靚仔，再加上呢兩日都有睇到VHSI兩線都落到偏低水平，等緊佢抽高之後推恒指出返一個比較大嘅波幅，總是喺年底之前做番件事。

依家9點45分，大波幅就未有，只係見到指數高開低走。人哋美股升四百幾；我哋港股升四十幾，仲要10點未到已經重新見紅殺咗第一層牛證街貨層；作戰室今日第一注都係出淡倉向街貨方向打過去，忽然有一種「認命」嘅感覺。

有咁嘅諗法無非都係見到小時圖出到觸底嘅技術走勢，明白技術分析 VS 街貨，有八成都係街貨贏。

依家10點9分，作戰室第一注淡倉爬格子都開始收網，因為五分鐘圖開始比返Swing Trade條件出嚟，關鍵在於如果整條保歷加通道保持向下嘅話，指數都還可以Swing住向下落。

正準準揀完隻恒指熊(54712)，諗住出文之際，指數忽然抽高見跌轉升，篇文自己都叫停唔出住，直至依家10點45分見指數喺五分鐘圖被50線擋路，開始走返定少少先至再Update返呢條稿。

的確喺小時圖繼續見到指數同Slow STC(14.3)出緊觸底樣，「就算上一上到小時圖10線都好呀！」呢刻我都仲咁諗；但始終指數靠近下方牛證而且牛證肉眼都見得到係比熊證嘅多，仲有13分鐘就11點啦，我諗出文後就知小時圖10線過唔過到。

隻(54712)Keep住喺手先，仲有6分鐘就到11點，指數做咗今日Day High添，Slow STC(14.3)兩線上到超買位，啱啦，萬一五分鐘圖借Slow STC(14.3)觸頂向下落一趟，(54712)都用得著。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。