【環球金融快線】3摺手機Hit唔起衰太貴？

【Now財經台】三星(Samsung)最新3摺智能手機Galaxy Z TriFold正式登場，新機配備10吋螢幕及全新Snapdragon 8 Elite晶片，售價約2440美元，折合約19000元，Samsung加入3摺機大戰後，會對市場有咩影響？

易方資本副基金經理王逸研認為，Samsung3摺機最大優勢在於用Android系統，因為有望成為對手華為喺海外市場嘅代替品，提升吸引力。不過，雖然唔少手機商希望擴大摺機市場，但由於機價貴，未必會有太多用家有興趣之餘，甚至有機會阻礙未來發展。

Isaac續指，現時用家都以直版及兩摺手機為主，3摺機呢類型高端科技手機備貨量唔及旗艦機，加上消費者對售價有一定考慮，所以新機就只能提升品牌知名度，對擴大市佔率亦唔會有太大幫助。