【槓桿致勝】小米CALL/PUT點部署？

【Now財經台】小米集團(01810)昨日(2日)再斥資1億元回購250萬股，每股回購價40.5元至40.72元。小米股價近日喺39元至40元上落，今朝(3日)反覆向下，小米好淡倉都有資金坐貨，投資者可以點部署？

中銀國際證券衍生產品部董事朱紅認為，小米係近日市場焦點，股價之前跌至36.62元，有消息指，集團斥資1億元增持公司股份及回購，反映管理層睇好前景。

佢續指，小米股價依家係40元水平爭持，投資者唔係一面倒睇好或睇淡，CALL輪方面，可留意行使價57元，明年4月到期，實際槓桿做到7倍嘅條款。PUT輪就可以留意行投使價32元，明年6月到期，實際槓桿做到5至6倍嘅條款。