【期匯決算】銀價金價升勢或斷纜

【Now財經台】近日銀價創新高，更躍升全球第6大資產，逐步追上金價，兩者價格差距未來係咪會進一步收窄？金價未來又會點走？

1uptick Analytics首席分析師杜浩霆認為，金價過去幾個星期一直橫行，由於美元上周走弱，所以金價及銀價大升，上周又撞正感恩節假期，所以成交金額較少。佢又話，銀價借上周五(11月28日)成交少，以及芝加哥商品交易所(CME)短路而衝咗上去，純粹係技術因素及大戶操作。

Perry又話，對銀價可唔可以持續上升有保留，建議投資者可以參考金價，又指金價短線未必會咁快再上衝，之前升得急係關稅、減息及美國政府停擺帶動，依家大部分重要因素已經消退，所以要再推升金價，需要有更重要嘅消息。