【槓桿致勝】恒指牛熊證點擺位？

【Now財經台】港股昨日(1日)反彈，25400點以上貼價牛證都有加倉， 25100點已連續10個交易日係重貨區，熊證重貨區就上移至26500點，大市趨勢似正在發力向上，見到好友比淡友更進取，偏向揀得貼啲，好淡友應該點擺位？

胤源世創家族辦公室(香港)第一副總裁黃偉豪指，依家港股整體走勢及市底唔算差，恒生指數繼續喺26000點水平浮沉，但向上動力相對之前一兩個月係減弱咗，成交亦唔係特別多，偏向一個上落市格局，不論好淡倉，重點係點擺位，好倉如果過夜最好擺100天線以下，即25700點水平，淡倉就唔建議擺咁貼，熊證收回價可以擺27000點以上。