【期匯決算】2大憧憬推到銅價創新高

【Now財經台】內地官方製造業採購經理指數(PMI)已連續8個月喺收縮區，理論上經濟放緩會影響銅需求，但點解銅價今日(1日)仲可以創新高？

ATFX亞太區首席分析師林銘添指，主要係市場憧憬美國聯儲局明年會再減息，同埋內地會推出基建相關嘅新經濟措施，預期銅需求將會增加，繼而推高銅價。

Martin續指，若內地年底或明年1月前，都未有經濟刺激措施出台，唔排除期貨投資者會獲利平倉，繼而令銅價下跌，相反，如果可落實基建措施，銅將會成為最大贏家。