【息賺】2026年高息消費股揀股攻略

【Now財經台】近日內地6部委發布《關於增強消費品供需適配性進一步促進消費的實施方案》，繼續力谷消費，消費相關行業入邊有咩高息可以食到國策？

獨立市場策略師何啟聰指，體育用品、家電及智能家居股都係唔錯嘅選擇，值得留意係，投資者揀股時可以從息口及市盈率(PE)著手，如果股份息率、PE都高，但收益增長低，估值未必會升到，以體育用品股為例，息率介乎3厘至5厘，投資者就要仔細睇下每家公司近期銷售，以及品牌自身增長程度。

家電及智能家居股方面，Ivan指，呢兩類股份嘅股息率差唔多，但要留意小米集團(01810)情況比較特別，冇息派之餘，預測PE亦相對高，因此，小米投資者就要從另一個角度去衡量。

佢續指，高息、發展平穩、收益處於增長期、有政策及股息支持嘅公司，估計明年會有較好表現。