【名家給力場】亨得利大股東提全購「刀仔鋸大樹」

【Now財經台】亨得利(03389)大股東兼主席張泳麟，以每以股0.14元提全購，較停牌前有12%溢價，現時主席及其母親兩人合共持有公司48%股權，若要約獲全面接納，應付現金總代價3.2億元，值得留意係，亨得利係一家有逾12億元淨現金嘅公司，就咁得好似好著數？

《香港股票財技密碼》作者梁杰文指，亨德利大部分資產都係現金，負債亦非常低，還埋銀行貸款後，仍有逾10億元現金，張泳麟只係動用逾3億元，就可以收晒小股東嘅貨，加上佢可能係用公司嘅現金做全購，所以今次出價其實非常低。

Mike又指，今次提出全購邀約都算係「你情我願」，小股東可自行決定係咪賣手持嘅股份。