【槓桿致勝】美團PUT點擺位？

【Now財經台】美團(03690)績後逆市低開逾2%，其後一度失守「紅底股」，業績前好淡倉都有唔少資金坐貨，好倉5日合計有約310萬元，淡倉更有1700萬元。美團上季轉蝕過百億人仔，股價今日(1日)預咗要受壓，公司預告今季會繼續蝕錢，投資者應該點部署？揀咩條款比較好？

法興銀行證券上市產品銷售部董事周翰宏表示，美團股價過去2至3個月一直喺低位橫行，短線嚟講，股價唔會有太大波動，雖然上唔到去，但跌落去喺94至95元水平都會有支持，所以部署美團都係以短線區間上落買賣為主。

Horace又指，條款方面，暫時唔建議揀CALL輪，建議由CALL換馬至PUT，收回價可揀約90元，以預留4至5元做止蝕操作。