【期匯決算】美元後向要睇美國數據

【Now財經台】市場對美國12月減息預期升溫，美匯指數今個星期轉弱，好大機會令美元11月埋單計數由升轉跌，但暫時僅微跌約0.2%，其中1個主因係聯儲局官員「放鴿」，依家市場聚焦明年減息次數，美元後市會點走？

獨立外匯商品分析師盧楚仁認為，美元出現下跌趨勢仍言之尚早，又指市場主要炒減息，若未來嘅經濟、就業數據較差，到時投資者應該會炒減息，但如果數據強勁，資金仍炒減息，未必可以進一步推低美元，但如果數據強又繼續減息，投資者可能覺得今個減息周期已到尾聲。Jasper建議，投資者下周要留意數據表現，以判斷美元走向。