【期匯決算】暫不宜睇淡銅價

【Now財經台】內地有色金屬工業拹會公布，須關閉200萬噸違規產能，有大行睇好銅價短期會受惠造好，昨晚(26日)倫敦交易所(LME)期銅價格升逾1%，依家喺每噸11000美元水平阻力較大，短期有冇機會升穿呢個位？

獨立外匯商品分析師譚家康指，呢個應該係應對關稅嘅安排，中國喺關稅實施前，銅出口佔一個重要地位，喺關稅令利潤減少下，關閉產能可防止過量產銅，加上整體銅價做得唔錯， LME期銅已升至逾10900美元水平，芝加哥商品交易所(CME)嘅銅期貨更迫近11000美元水平，佢估計，銅價下月有望再突破11000美元。

Pierce又指，現時市場對銅嘅需求好大，不論係生產、研發人工智能(AI)或機械人，都需要用大量嘅銅，所以暫時唔適宜睇淡銅價。