【環球金融快線】執AI股平貨等明年初

【Now財經台】近日有分析認為，人工智能(AI)市場已分為唔同陣營，其中，開發Gemini 3嘅Google母公司Alphabet，同埋佢嘅客製晶片供應商博通(Broadcom)股價齊升，反觀ChatGPT嘅OepnAI陣營中，AMD、英偉達(Nvidia)及軟銀集團(SoftBank Group)股價，過去1星期跌得幾急，依家應該點部署呢類股份？

資深經濟師羅家聰認為，AI相關股仍然偏貴，即使AMD及軟銀股價向下，但仍見到個支持位喺頸線附近，所以依家撈底似乎太早，原因係若AI經濟泡沫要修正，調整幅度應該會更大。

KC又話，雖然晶片及AI發展不斷創新，但一定要配合到唔同應用場景先可以賺到錢，不過，暫時仍未做到，只係市場過分憧憬，又認為如果投資者想撈底，不妨等到明年初再考慮都未遲。