【期匯決算】金價阻力暫睇4200美元

【Now財經台】美匯指數失守100水平，美國10年期債息跌至近1個月低位，大宗商品包括貴金屬、工業用金屬普遍升，現貨金價就升上近兩周高位，但近期呈橫行格局，點睇金價後市？

東亞銀行財富管理部高級投資策略師黃燕娥指，近期金價有下行壓力，因為避險資金轉投美元，不過，美國昨日(25日)出爐嘅經濟數據未如理想，導致美元回落，刺激金價向上。

Angela認為，依家唔少因素都利好金價，處於一個易升難跌嘅狀況，佢估計，金價暫時喺每盎司4000美元有支持，阻力就睇4200美元。