【期匯決算】印度盧布短期仍弱勢

【Now財經台】印度央行近期積極干預匯市，繼10月後，今個月再度出手，盧布再度迫近歷史低位，當地第3季國內生產總值(GDP)今個星期就會出爐，市場預期按年升7.3%，但按季輕微放緩，印度經濟有增長，但點解盧布咁弱？

1uptick Analytics首席分析師杜浩霆指，盧布自美國向印度實施50%關稅後就走弱，印度盧布兌美元上周五(21日)升穿近期阻力，即89水平，原因是上周印度公布嘅採購經理指數(PMI)數據倒退。

Perry又指，短線嚟講，盧布仍會弱勢，暫時會喺89至90水平震盪，之後就要睇美印關稅問題可唔可以傾掂數。