【期匯決算】英國加稅勢令經濟雪上加霜

【Now財經台】英國近日出爐嘅經濟數據表現較差，11月標普全球採購經理指數(PMI)跌至50.5，上周公布嘅消費信心指數都較弱，失業率更升至5%。英國財相李韻晴(Rachel Reeves)周三(26日)公布嘅秋季預算案，可唔可以帶領英國經濟走出困局？

ATFX亞太區首席分析師林銘添認為，即使大幅加稅都冇辦法填補到赤字，甚至會令疲弱嘅經濟雪上加霜。佢又指，要留意英國政府喺呢份預算案，點樣增加大型基建上開支，達致振興經濟、降低失業率。

Martin又相信，日前已有聲音反對加稅，所以最終未必會加稅，英國政府反而會著墨於減少不必要開支，以紓緩財赤問題。