【智識賺】AI大戰！Gemini 3可絕殺對手？

【Now財經台】Google開發的Gemini 3大語言模型上周面世，推出後大受用家歡迎。過去Google喺人工智能(AI)競賽上唔算標青，但新AI模型似乎可以趕上，甚至反先同業，Gemini 3係咪有絕殺其他AI模型嘅本錢？

易方資本投資組合經理王逸研認為，Google、OpenAi及Anthropic嘅競爭，喺Gemini3面世前仍然係叮噹馬頭，今次更新後就出現明顯嘅實力差異，其中，Gemini 3編程實用性大大提升，識得以簡短coding達到想要嘅效果，水準高亦令經濟價值提升。此外，以前用Gemini設計及整理PowerPoint都會「炒哂車」，但依家只需1、2 take就做得好，可見硬件上反應速度加快，用戶體驗變得更好。

Isaac又話，Google現時最大優勢在於自身硬件TPU價錢平、公司出售TPU予其他廠商擴闊雲收入邊界、旗下Apps可無縫接入AI模型等，令Google一躍成為AI大嬴家。