【期匯決算】Yen不利因素太多

【Now財經台】日圓今日(21日)有唔少消息，日本財務大臣片山皋月今早(21日)預告，唔排除出手干預匯市，日圓一度轉強，其後日本首相高市早苗嘅內閣通過逾萬億元刺激經濟方案，又指一旦額外稅收不足，將會考慮加大發債力度，日圓再度轉弱，於157至156水平徘徊，點睇日圓後市？

獨立外匯商品分析師盧楚仁指，高市早苗嘅刺激經濟政策勢在必行，未來極有可能加大發債力度，不過，大量發債對日圓十分不利，因為國家債務增加會對國家貨幣不利。此外，若刺激經濟措施見效，日本央行就會放慢加息步伐，會令日圓轉弱，相信日圓未來會喺156至158元水平徘徊。