【環球金融快線】Burry為唱淡Nvidia而唱淡？

【Now財經台】英偉達(Nvidia)第3季業績亮麗，帶挈股價於美股周三(19日)收市後延長交易時段升5%，一直睇淡Nvidia嘅電影《沽注一擲》(The Big Short)男主角原型，著名對沖基金經理Micheal Burry，再質疑Nvidia及OpenAI等閉環操作，又認為若要認真計數，Nvidia淨利潤應該要「腰斬」，點睇Micheal Burry嘅質疑？

獨立分析師黃耀宗認為，Micheal Burry只係為唱淡而搵原因，閉環操作方面，只要公司可以共同創造價值，為社會帶來更好的人工智能(AI)發展，市場憂慮自然會消退，不過，都唔可以話Micheal Burry嘅質疑有錯，市場習慣用調整數字、報表做基準，並唔係會計準則，佢又認為，現時的確存在呢類風險，但唔需要睇得太悲觀。