【期匯決算】Bitcoin短期好難博反彈

【Now財經台】比特幣(Bitcoin)價格昨晚(19日)再跌穿之前低位，低見88526美元，已自10月6日歷史高位累跌近30%，美國政府結束長達43日嘅停擺後，財政部TGA帳戶嘅資金開始流出，Bitcoin價格會繼續跌，還是有機會反彈？

獨立外匯商品分析師譚家康指，睇返Bitcoin過去嘅調整情況，出現30%調整其實好正常，又提醒投資者Bitcoin回調唔係呈V型，而係要橫行一段長時間後先會反彈，由於Bitcoin調整幅度大，暫時好難博反彈，建議投資者觀察橫行位置後再做部署。