【名家給力場】美國通脹明年會繼續升？

【Now財經台】美國零售市道愈來愈差，唔少大型商場內嘅店舖執笠，除咗消費模式轉變，最主要問題仍然係通脹，當地物價持續高企，9月消費物價指數(CPI)按年升3%，點評估通脹對美國經濟嘅影響？聯儲局12月減息機會大唔大？

資深銀行家劉卓衡指，首先一定會影響貨幣政策，雖然4月嘅關稅政策令市場擔心通脹失控，但最終未有出現高通脹，但佢估計，美國通脹未來會慢慢爬升，明年有機會升上更高水平。

佢又話，美國進口商自己「啃咗」10%至15%關稅帶嚟嘅影響，未有轉嫁予消費者，而聯儲局12月會唔會減息，就要睇返美股表現，如果短期出現更深調整，12月減息機會就較大，佢估計，下月減息機會係五五波。