【期匯決算】Yen今年再突然狂飆機會唔大

【Now財經台】日圓去年曾大幅轉強，觸發全球資產震盪，引爆去年8月嘅全球股災，今年會唔會歷史重演？

東亞銀行財富管理部高級投資策略師黃燕娥指，今年未必會重演，日圓突然急升可能同市場預期之外嘅變數有關，整體嚟講，就算依家有地緣政治爭議，都唔足以引發因日圓突然急升嘅避險需求，而爆發日圓拆倉潮嘅機會亦唔大。