【期匯決算】大豆價格短線睇1200美仙

【Now財經台】大豆、小麥價格昨日(17日)顯著反彈，一度升逾3%，但大豆價格收市升幅略為收窄，中國承諾今年向美國採購1200萬噸大豆，未來3年就買2500萬噸，有數據顯示，中方暫時只採購咗23萬噸，大豆價格未來會點走？

1uptick Analytics首席分析師杜浩霆表示，即使年底前採購1200萬頓大豆，都未必付運到，所以價格短線會有支撐，若中國全面履行承諾，大豆價格中長線都會有支持。

佢又指，之前關稅消息一出，大豆價格就突破之前橫行區，暫時可以先睇每蒲式耳1200美仙，衝破呢個阻力後，可以再上試1250美仙。