【環球金融快線】高市掟8500億谷日本經濟賭一鋪？

【Now財經台】日本昨日(17日)出咗第3季國內生產總值(GDP)數據，按季收縮0.4%，係2024年第1季以來再度收縮，據《日經新聞》引述消息指，首相高市早苖正制定一份總值17萬億日圓刺激方案，折合逾8500億港元，力谷當地經濟，日本有冇足夠財力去推動呢個政策？

獨立市場策略師陳俊文指，日本政府有足夠財力推出大規模刺激經濟措施，雖然日債佔GDP嘅佔比大，但到依家都冇出問題，因為呢啲債券都係機構性投資者持有，所以唔會出現大幅崩盤情況。

Norman又話，如果高市嘅刺激政策成功，今次可能係日本政府最後一次推出大規模振興經濟方案，因為當地通脹已到咗臨界點，如果方案可以令日本經濟重拾正軌，對債務前景亦有幫助。