【槓桿致勝】恒指牛熊證點擺位？

【Now財經台】恒生指數今早(18日)低開逾200點後，跌幅收窄，好淡倉資金方面，好倉昨日(17日)流入8620萬元，5日合計，有逾6370萬元資金貨，淡倉昨日多人食糊，5日合計，仍有3490萬元資金坐貨。此外，牛證重貨區下移至25100點，最多人加倉嘅位置係26100點，熊證重貨區喺27200點，最多人加倉嘅位置喺26800點。大市連跌第3日，後市應該點部署？

胤源世創家族辦公室(香港)第一副總裁黃偉豪指，恒指26000點唔係重要關口，如果做即市部署，牛證收回價可以考慮25800至25900點，但擺過夜就有風險，依家大市係上落市格局，如果想擺過夜，可以揀收回價25600點樓下，例如25400至25300點，槓桿都唔算低。