【智識賺】Bitcoin「4年周期定律」有冇失效？

【Now財經台】比特幣(Bitcoin)今個月走勢比較差，表現可能係2018年以嚟最差嘅10月份，Bitcoin曾經單日跌逾20000美元，又出現過爆倉潮，當Bitcoin「4年周期定律」遇上「每年第4季會漸轉強勢」，虛擬資產市場會點發展？

亨達虛擬資產及財富管理董事總經理鍾駿認為，投資者除咗要留意Bitcoin「減半效應」引發嘅升跌幅外，亦要知道市場喺4年間嘅變化，包括之前未有同Bitcoin相關嘅法例、市場唔太接受呢類資產、參與人數唔多等，所以今年仲會唔會跟住「4年周期定律」行，建議再睇定啲，再決定減倉還是繼續持有。

至於市場對Bitcoin嘅需求，Stephen提醒，投資者可以留意唔同金融體系，會唔會接受虛擬資產作為抵押品，令投資者可以喺唔使沽嘅情況下，套現資產作其他用途，增加Bitcoin嘅靈活性。