【股市脈搏】高雅光學收除牌通牒股價近「腰斬」

【Now財經台】高雅光學(00907)股價今早(22日)低開逾2%，但已見咗全日高位，其後股價一度急瀉50%，低見0.039元，收市仍瀉逾47%，報0.041元，但全日成交金額僅逾210萬元，但成交股數較過去100日同時段大增16倍。

集團開市前披露，聯交所上周五(19日)向公司發出函件，指現有嘅電影及酒類貿易業務，唔足以支持公司營運，違反上市規則，要求集團停牌，若下周二(30日)前唔提出申請，最遲10月2日就要停牌，之後仍有18個月補救期，如果仍然唔達標就要正式「除牌」。

高雅光學未能成功喺市場Cap水前，聯交所已「出聲」叫公司停牌，要留意公司喺7日限期內，會唔會提出覆核申請，拖一拖個時間，趁市旺喺市場搵「白武士」，始終股價喺旺市時都有價，公司市值最新已至唔夠4000萬元。