【股市脈搏】舜宇有力挑戰上升通道頂？

【Now財經台】舜宇光學科技(02382)股價今早(22日)輕微高開後，升幅一度擴大至逾6%，高見86.65元，升上1個月高位，其後股價變動唔大，暫時成交股數較過去100日平均增1倍。

雖然iPhone 17系列被批評外型唔靚、冇人工智能(AI)欠奉」等負評，但果粉都係「邊鬧邊買」，銷情十分理想，今朝Apple概念股及「果鏈」供應商股全線炒上，當中包括舜宇。

睇返日線圖，舜宇以大陽燭升穿保歷加通道頂，並企穩上升通道，依家上升通道頂喺92元水平，後市要留意股價有冇力再向上挑戰，甚至突破8月26日嘅前頂。