【期匯決算】油價有機挑戰72美元

【Now財經台】油價連升3日後轉跌，周一(7月28日)至周三(7月30日)累升7%，主要反映美國可能會制裁俄羅斯，最新有行業分析預期，石油輸出國組織及盟友(OPEC+)增產可抵銷制裁嘅影響，係咪解釋到點解紐油喺每桶70美元水平遇阻？美國總統特朗普(Donald Trump)公布新關稅稅率，將會喺美國時間下周四(7日)凌晨12時01分生效，油價可唔可以短炒多一浸？

獨立外匯商品分析師譚家康估計，油價仍有上升空間，主要係沙特開始增產，OPEC+同美國已有共識，雖然早前OPEC+增產，但油價都冇跌。

佢又指，油價之前喺65美元徘徊，Pierce相信已經打咗底，油價未來有機會再上，但未必會升得好急，估計油價會拾級而上，先睇70美元，下一站再挑戰72美元。