【FINTERVIEW】美非農及失業率今晚出爐要睇實(上)

【Now財經台】美國公布6月個人消費支出(PCE)物價指數，按月升0.3%，符合市場預期，不過，整體及核心PCE指數按年升幅都略高過預期，係咪正如聯儲局主席鮑威爾(Jerome Powell)所講，關稅影響先啱啱開始反映？會點影響聯儲局減息步伐？

華僑銀行外匯及利率策略主管張淑嫻指，PCE基本上都符合預期，但細分項目反映通脹前景仍有不確定性，其中，消費者實際支出增長疲弱，正正反映聯儲局內部就減息問題點解存在意見分歧。

Frances又話，聯儲局有兩個目標，分別係通脹及就業市場，鮑威爾較睇重通脹上行風險，但有委員將經濟下行風險嘅比重放得較高，相信呢啲爭論會持續，因此，今晚(1日)公布嘅非農數據及失業率非常重要，依家到年底仍然有3次減息會議，佢相信有空間減息2至3次。