【智識賺】H20「回歸」料內企繼續搶因為...

【Now財經台】晶片行業近期焦點莫過於英偉達(Nvidia)宣布，將會恢復H20晶片對華銷售，H20一向被指係專為中國而設嘅降級晶片，到底其性能如何？點解明明係降級晶片，中國科技企業仍然趨之若鶩？

易方資本投資組合經理王逸研指，H20晶片主力用於推理已訓練好嘅人工智能(AI)模型，而唔係用嚟訓練新模型，因為佢嘅記憶體比較大，所以較擅長高階推理，但仍然同H200等高階晶片嘅性能有差距，而比起昇騰等國產晶片，雖然佢地嘅性能日益進步，但產能仲係唔夠，所以H20仍然有市場。

Isaac又話，H20晶片最大嘅優勢就係兼容性高，因為好多科技企業以往都係購買Nvidia嘅卡，H20可以接駁原本嘅生態系統，相信企業對其需求仍然高企。