【息賺】高息股 VS 高息股ETF

【Now財經台】港股資金追捧收息股，尤其係內銀股，但部分股息率已落到近5厘，雖然同國債相比差距仲好大，但似乎仲有得加碼兼增派息比率，呢類收息股係咪仍有一定吸引力？

獨立市場策略師何啟聰指，喺時候要諗吓內銀股仲有冇進一步增加派息嘅空間，業績未必有增長，派息比率亦冇提升，就算有增資動作都唔會派返啲錢出嚟，投資者係時候要思考下，內銀股值博率仲係咪咁高。

Ivan又話，如果用其他收息資產作比較，股價升勢持續變相吸引力低咗，反而可以留意高息股ETF，預期派息率高過5厘，買呢類產品等於買到高息少少嘅股份，之後內銀股慢慢變得低息嘅時候去換馬，就可以受惠。