【期匯決算】美匯指數破唔到百關或掉頭

【Now財經台】美國總統特朗普(Donald Trump)昨晚(22日)又改口，話無意炒聯儲局主席鮑威爾(Jerome Powell)，並指會下調對華關稅。美匯指數最新上返99水平，算唔算暫時脫離危險期？

ATFX亞太區首席分析師林銘添認為，特朗普近日言論反覆，加上美國仍未跟中國等進行關稅談判，更未達成任何協議，令投資者擔心美國國債會被拋售。佢認為，聯儲局快將公布嘅褐皮書，以及特朗普取態會唔會軟化，都會影響美元升跌。睇返技術走勢，佢認為，若美匯指數上唔到100樓上，後市有機會落返97，甚至96水平。