【環球金融快線】Netflix靠擴張策略繼續交靚績？

【Now財經台】影音串流平台Netflix上季業績亮麗，收入及盈利都好過預期，訂閱及廣告收入亦略高過預期。集團指，繼續睇好收入及利潤增長前景，維持全年預測不變。Netflix係咪可以繼續交出亮麗嘅成績表？

易方資本副基金經理王逸研認為，Netflix首季業績有好大驚喜，集團期望2030年全球訂閱人數達4億，意味Netflix希望喺全球擴張，除咗打入附加值及用戶滲透率高嘅北美市場，可能會考慮吸納中東、東南亞，甚至非洲地區用戶。

Isaac又指，Netflix嘅展望亦預視，未來會由支付高月費嘅paid-subscriber戰略轉為ad-supported方式，透過睇廣告減少，甚至免收費用，可以有效提升營業利潤及盈收目標。此外，集團出招防止用戶共享帳號，可以拉近廣告費及訂會員閱費嘅盈收差距，對公司長遠發展會有正面影響。