【槓桿致勝】恒指牛仔收回價宜擺...

【Now財經台】港股昨日(30日)喺期指結算日窄幅上落，恒生指數反覆向下，雖然資金昨日繼續流入恒指好倉，但5日合計就有3191萬元資金離場，淡友昨日亦轉為流入， 5日合計有逾4113萬元資金坐貨。牛熊證方面，牛證重貨區上移至19700點，亦係最多人加倉嘅位置，熊證重貨區繼續喺21100點，最多人加倉係20400點。今日(31日)除夕港股只得半日市，恒近期持續窄幅波動，資金擺位都比較貼，20000點仍然守得住，牛證收回價19700點係咪都可以考慮？

獨立股評人黃偉豪指，港股明日(2025年1月1日)假期休市，周四(2日)復市會點走都有變數，所以牛證收回價揀19700點似乎有啲貼，亦唔係好安全，依家關鍵支持位係19900點水平，考慮到假期因素，恒指牛證收回價宜擺19500點樓下。