【名家給力場】小心美股及科企巨無霸大冧(下)

【Now財經台】美股今年表現強勁，標普500指數累升約25%，主要係靠大股撐起整個升勢，高盛估計，相比標指其他股份嘅股價，明年「科技7雄」(Magnificent 7)跑贏幅度將唔及今年及去年咁勁，估計只會跑贏7個百分點，而上一次出現相若情況係2018年，相比2018年，依家嘅情況係好咗還是更差？

「股市漁夫」創辦人莊志雄指，依家嘅情況同2018年好唔同，市寬50%係牛熊分界，現時市寬低過50%，代表有超過一半嘅股票跌穿200天線，意味超過一半嘅股票有「蟹貨」，睇返2018年初，市寬約65%，當時大部分股票都冇「蟹貨」，並企喺200天線樓上，若2025年開局冇太大變化，2025年嘅市寬將會低過2018年，反映大市明顯弱過2018年，當年「7雄」只係跑贏大市8個百分點，估計2025年「7雄」表現將會比大市更差。

Lewis又話，2018年第4季，標指迫近歷史高位，但市寬跌穿50%，當時美國聯儲局做錯決定，依家聯儲局亦有機會做錯決定，所以要小心大市及大型科技股會大跌。